IT News @w`rór# w`:z ÕvW
‘4 ජී’ තාක්ෂණය ශ්‍රී ලංකාවට
තත්ත්පරයට මෙගාබයිට් 96ක වේගයෙන් යුතු දිගුකාලීන පරිණාම තාක්ෂණය සම්බන්ධයෙන් සාර්ථක පරීක්‍ෂණයක් සිදු කර 4ජී තාක්ෂණය ශ්‍රී ලංකාවට හඳුන්වාදෙන බව ශ්‍රී ලංකා ටෙලිකොම් මොබිටෙල් සමාගම පවසයි. ඩයලොග් ආයතනයද මේ වන විට කොළඹ කොටුව, කොළඹ 02 හා කොළඹ 03 ප්‍රදේශයන්හි 4 ජී තාක්ෂණය ආවරණය කර ඇත.මේ අතර ඩයලොග් ආයතනය ද කොළඹ කොටුව, කොළඹ 02 හා කොළඹ 03 ප්‍රදේශයන්හි 4 ජී තාක්ෂණය ආවරණය කර ඇත. මීට අමතරව කොළඹ ඩාර්ලි පාරේ ෆියුචර් වර්ල්ඩ් හා ඩුප්ලිකේෂන් පාරේ පිහිටි මොඩර්න් ආකේඩ් වෙතින් මේ පහසුකම ලබා ගත හැත.
මෘදුකාංග නිර්මාණයෙන්
ශ්‍රී ලංකාවට රන් පදක්කමක්
කොළඹ නාලන්දා විද්‍යාලයේ උසස් පෙළ ඉගෙනුම ලබන සිසුහු සිවු දෙනෙක් රටවල් පනස් දෙකක පාසල් 27209ක් අභිබවා පරිගණක ක්ෂේත්‍රයේ අන්තර්ජාතික ජයග්‍රහණයක් අත්කැර ගෙන ඇත.ඇමෙරිකාවේ ඔරැකල් අධ්‍යාපන පදනම වාර්ෂිකව සංවිධානය කරන “තින්ක් ක්වෙස්ට්” මෘදුකාංග නිර්මාණය කිරීමේ තරගාවලියේ දී මේ සිසුන් සිවුදෙනා ඉදිරිපත් කළ යුද්ධයෙන් විනාශ වූ නගරයක් ගොඩනැංවීමේ පරිගණක ක්‍රීඩාව වෙනුවෙන් මේ ජයග්‍රහණය අත් කැරගෙන තිබේ.
12 වැනි ශ්‍රේණියේ ඉගෙනුම ලබන ඉසුරු කුසුමාල් රාජපක්ෂ, උමේෂ් ප්‍රභූෂිත ජයසිංහ, සකුන්ත දේවක ගුණරත්න සහ විරාජ් කොඩිතුවක්කු යන මේ සිසුන් හතරදෙනා ලද ජයග්‍රහණය වෙනුවෙන් ඔවුනට ඇමෙරිකාවේ චාරිකාවක් ද පාසලට ඇමෙරිකන් ඩොලර් පන්දහසක් ද ජයග්‍රහණය ලැබූ ශිෂ්‍යයන් හතර දෙනාට ලැප්ටොප් යන්ත්‍රය බැගින් හිමිවීමට නියමිත බව නාලන්දා විදුහල්පති රංජිත් ජයසුන්දර මහතා සිළුමිණට පැවැසීය.
